Өзбекстандық Olamsport.com сайты Бейжің олимпиадасына тігілген қазақстандық формаға қатысты пікірталасқа толы ой білдірді. Бұл туралы Sports.kzке сілтеме жасап "Адырна" ұлттық порталы хабарлайды.
«Олимпиадаға қатысатын қазақстандық құраманың формасын көрдік. Әдемі шыққан. Бізде мынандай сұрақ туындауда. Біздің өзбекстандық жалғыз спортшымызға мемлекет тарапынан форма жасалды ма, оның тренері мен Бейжіңге баратын делегацияға ше? Қазіргі уақытта біздің делегациямыз қандай формамен баратыны белгісіз, бізге әлі оны көрсетпеді. Ресми мәлімет те жоқ", - деп жазды олар.
Өзбекстан атынан бір ғана спортшы қатысады, ол тау шаңғысының тарланы Комилжон Тухтаев. Алайда мамандар оның қандай да бір орын аларына сенбейді.
"Адырна" ұлттық порталы
