Әйелдер күресінен Қазақстан командасының өкілі Эльмира Сыздықова «Иван Ярыгин» беделді Гран-при турнирінің жеңімпазы атанды, деп хабарлайды "Адырна" ұлттық порталы Ұлттық Олимпиада комитетіне сілтеме жасап.
Ол 76 келіге дейінгі салмақ дәрежесінде алтын медаль жеңіп алды. Ақтық жарыста Сыздықова Беларусь спортшысы Ксения Дзибукты 15:4 есебімен ұтты.
Атап өтейік, жартылай финалда ол Мария Силинаны сенімді ұтқан. Жарыс Ресейдің Краснояр қаласында өтіп жатыр.
"Адырна" ұлттық порталы
