ҚР Президент Қасым-Жомарт Тоқаев Ішкі істер министріне Үштөбедегі зиратты қиратқандарды жауапкершілікке тарту туралы тапсырма берді. Бұл туралы Мемлекет басшысы Twitter-дегі парақшасында жазды, деп хабарлайды "Адырна" ұлттық порталы.
- Ішкі істер министрі Е.Тұрғымбаевқа Үштөбе қаласындағы (Алматы облысы) православ зиратын қиратқан бұзақыларды заң жүзінде қылмыстық жауапкершілікке тарту туралы тапсырма берілді, - деп жазды Президент өзінің Twitter-дегі парақшасында.
Естеріңізге сала кетейік, желіде таратылған видеодан белгілі болғандай, вандалдар зиратқа қабір қоршауларын қиратып, кресттерін жұлып алған. Полиция ҚР ҚК 294-бабы (вандализм) бойынша сотқа дейінгі тергеуді бастады.
"Адырна" ұлттық порталы
