Азаматтық белсенді Дархан Уәлиевтің адвокаты Жанар Балғабаева Азаттық радиосындағы әріптестеріне оның тергеу изоляторында соққыға жығылғанын айтты, деп хабарлайды "Адырна" сайты.
Бұған дейін Уәлиев Алматыдағы «жаппай тәртіпсіздік» ісінің тергеуіне байланысты қамауға алынған болатын.
Тергеу үстіндегі адамды азаптау және қатыгездік көрсету туралы туыстарынан арыз түскені туралы ақпаратты кезекші прокурор Азамат Құрманов растады.
Айта кетейік, бұған дейін белсендінің ПД-ның уақытша ұстау изоляторында 12 сағат бойы соққыға жығылғаны туралы ақпаратты Уәлиевтің әйелі хабарлаған болатын.
"Адырна" ұлттық порталы
