Қазақстан ауыр атлетикадан екі Олимпиада лицензиясын алды

1984

Токио-2020 Олимпиада ойындарына жолдама алған спортшылардың тізімі жарияланды, деп хабарлайды "Адырна" ұлттық порталы.

Тізім IWF Халықаралық ауыр атлетика федерациясының сайтында жарияланған, деп хабарлайды Olympic.kz.

Қазақстан атынан ауыр атлеттер Зульфия Чиншанло әйелдер арасында 55 келіге дейін, ал Игорь Сон 61 келіге дейінгі салмақта ерлер арасында қатысады. Іріктеу кезеңіндегі өнер көрсету нәтижелері бойынша Зульфия Чиншанло 3628,3941 ұпай жинап, әлемдік рейтингтің төртінші сатысында тұр.

Игорь Сон 3015.0319 ұпаймен тоғызыншы орында. Қазақстандық ауыр атлет ойындарға құрлықтық квота бойынша жолдама алды.

Халықаралық ауыр атлетика федерациясының шешімі бойынша 2008 жылдан бастап 2020 жылға дейін допингке қарсы ережелерді 20-дан астам рет бұзған елдер осы спорт түрінен Токио Олимпиадасына екіден көп емес спортшыны (бір әйел және бір ер адам) жібере алады. .

Қазіргі уақытта Қазақстан құрамасында 26 спорт түрінен 69 лицензия бар.

"Адырна" ұлттық порталы

Пікірлер
Ұқсас жаңалықтар