«Томирис» тарихи-көркем фильмі Каскадерлардың әлемдік академиясының «Таурус» сыйлығын жеңіп алды, деп хабарлайды "Адырна" ұлттық порталы.
NOMAD STUNTS каскадерлер тобының Facebook-тегі ресми парақшасында: «Таурус» - бізде! Сіздермен жақсы бір қуанышымызды бөліскіміз келеді. «Томирис» Каскадерлардың әлемдік академиясының «Таурус» сыйлығын жеңіп алды. Бұл каскадерлардың «Оскары» аталатын мәртебелі марапат. Еліміз тарихында алғаш рет қазақстандық фильм «Шетелдік фильмдегі трюк қойылымы» аталымында үздік деп мойындалды. Nomad Stunts-ке сенім артып, қолдау көрсеткен барлығыңызға рахмет! Ақан Сатаевқа және «Томирис» фильмінің бүкіл командасына рахмет!» - деп жазған.
Айта кетейік, Nomad Stunts - бұл қазақстандық каскадер Жайдарбек Күнғожиновтың 2000 жылы құрған халықаралық кәсіби каскадерлер тобы.
