«Таза Қазақстан» экологиялық жобасы аясында Алакөл ауданы, Теректі орта мектебінің қысқы бағында 5-6 сынып оқушыларымен география пәнінің мұғалімі Ботагөз Омарбекованың ұйымдастыруымен «Экзотикалық ананас өсімдігін бөлме жағдайында өсіру» тақырыбында тәжірибелік сабақ өтті.
Тәжірибелік сабақта оқушылар ананас өсімдігін күтіп ұстау, бөлме жағдайында өсіру технологиялары жөнінде тәжірибе алып, өз пікірлерімен бөлісті.
Ананас – бұл тропикалық жеміс, өзінің ерекше дәмі мен көптеген пайдалы қасиеттерімен танымал. Ананас өсімдігінің жапырақтары шырынды, су жинап тұрады, бұл өсімдікті құрғақшылыққа төзімді етеді.
Сондай-ақ, бұл ерекше қасиеттері мен дәмдік сипаттамалары бар жеміс. Ол әлемнің көптеген мәдениеттерінде маңызды рөл атқарады және көптеген аспаздық, медициналық және өнеркәсіптік қолданысқа ие.
