Ұлытау облысы, Жезқазған мен Сәтбаев қалаларының арасындағы тас жолда жаяу жүргіншілер өткелінен өтіп өтіп бара жатқан әйел мен екі баласын көлік қағып кетті, - деп хабарлайды “Адырна” ұлттық порталы.
Жаяу жүргіншілерді «Дача» кооперативі «Восток» аялдамасының жанындағы жаяу жүргіншілер өткелінде қағып кеткен. Жолдың бұл бөлігі екі қаланы байланыстырады және көліктердің жүрісі қарбалас қалыпта жылжиды. Әйел 3 жасар ұлының қолынан ұстап жолдан өтіп бара жатқан. Оның жанында жаңа туған нәресте де болды. Оларды 36 жастағы жүргізуші қағып кеткен.
Оқиға салдарынан 3 жасар бала алған жарақатынан сол жерде көз жұмды. Анасы мен кішкентай сәби ауыр жарақаттармен медициналық мекемеге жатқызылды.
«Осы факті бойынша балалы әйелді қағып кеткен көлік жүргізушісі уақытша ұстау изоляторына жеткізілді», - деді Ұлытау облыстық полициясының баспасөз қызметі.
Ведомство жүргізушілерді жол қозғалысы ережелері мен жылдамдықты қатаң сақтауға шақырды.
