Алғашқы кездесуде жігіттің қолынан қаза тапқан бойжеткеннің өліміне қатысты сот үкімі шықты, деп хабарлайды "Адырна" ұлттық порталы.
Қайғылы оқиға 2023 жылдың 16 қазанында Алматыда болған.
Айнагүл Кенчебаева есімді қыз ер адаммен танысып, кафеде кездескен. БАҚ өкілдері қыздың өлімі туралы жарыса жазған болатын.
"Кафеге келушілер ер адамның қызды далаға алып шыққанын көрсе де, ешкім араша түспеген. Қазір далада не болғанын ешкім білмейді. Бірақ 20 минут өткен соң қыздың өзі шақырған полицейлер келіп, оның мәйітін тапқан", – деп жазды журналист.
Кейіннен Айнагүл Кенчебаеваны жанжал кезінде кездесуге келген жігіт арыққа итеріп жібергені анықталды. Бойжеткен бас сүйек жарақатынан көз жұмған. Ер адамға қатысты сот үкімі шықты.
Ер адамның үстінен іс қозғалған. Қылмыстық кодекстің 106-бабы бойынша "Абайсызда кісі өлтіру" бабына өзгеріп, 2,5 жылға сотталды.
