Мемлекет басшысы Қасым-Жомарт Тоқаев Kaspi.kz компаниясының тең құрылтайшылары Вячеслав Ким мен Михаил Ломтадзені қабылдады, деп хабарлайды “Адырна” ұлттық порталы Ақорданың баспасөз қызметіне сілтеме жасап.
Мемлекет басшысына Kaspi.kz қызметінің нәтижелері мен даму перспективалары туралы баяндалды.
Вячеслав Ким мен Михаил Ломтадзе Қасым-Жомарт Тоқаевқа Kaspi.kz сайтының АҚШ-тағы NASDAQ биржасында сәтті IPO-ға өткені туралы айтып берді. Бұл биржада Apple, Amazon, Google және басқа да көптеген әлемдік жетекші технологиялық компаниялардың акцияларының тізімі берілген.
Мемлекет басшысы Kaspi.kz құрылтайшыларын осы жетістігімен құттықтады.
Сондай-ақ Мемлекет басшысы Вячеслав Киммен және Михаил Ломтадземен елімізге әлемнің жетекші инвесторларын одан да көп тарту үшін инвестициялық ахуалды жақсарту перспективаларын талқылады.
“Адырна” ұлттық порталы
