Ақтауда қатты соққан желдің салдарынан амфитеатр жанында орнатылған жаңа жылдық шырша құлап қалды, деп хабарлайды «Адырна» тілшісі.
«Желдің екпіні секундына 15-25 метрге жетіп, салдарынан қаланың бас шыршасы құлап қалды. Мамандар жел басылған соң шыршаны қайта орнатады», — деді қала әкімдігінің баспасөз қызметі.
Ақтау тұрғын үй-коммуналдық шаруашылық бөлімінің басшысы Жанболат Жақыпов амфитеатр аумағының айналасында құрылыс алаңдары немесе ғимараттар болмағандықтан, желдің екпіні қатты сезілетіндігін айтты.
