Қасым-Жомарт Тоқаев «Қазақстан Республикасының кейбір заңнамалық актілеріне өзгерістер мен толықтырулар енгізу туралы» Қазақстан Республикасының Заңына қол қойды, деп хабарлайды «Адырна» ұлттық порталы Ақордаға сілтеме жасай отырып.
«Мемлекет басшысы «Қазақстан Республикасының кейбір заңнамалық актілеріне «Азаматтарға арналған үкімет» мемлекеттік корпорациясы, «Астана Хаб» халықаралық технологиялық паркі және дактилоскопиялық тіркеу мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды» , - делінген хабарламада.
Сондай-ақ президент «Қазақстан Республикасының кейбір заңнамалық актілеріне ұлттық қауіпсіздікті қамтамасыз ету және Қазақстан Республикасының арнаулы мемлекеттік органдарындағы қызмет мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.
Құжат Мемлекеттік қызмет көрсету саласындағы заңнаманы жетілдіруге бағытталған.
Сенат аталған заң жобасын екі оқылымда мақұлдап, 21 желтоқсанда Мемлекет басшысына қол қоюға жолдады.
«Адырна» ұлттық порталы
