Шетелге заңсыз шығарылған 760 миллиард теңге Қазақстанға қайтарылды. Бұл туралы Бас прокурор Берік Асылов айтты, деп хабарлайды «Адырна» тілшісі.
«Арнайы заңның қабылдануын күтпей, жалпы күш-жігердің арқасында, елге 760 млрд теңге көлеміндегі активтерді қайтаруға мүмкіндік туды. Бұл шараларды комиссияның барлық мүшесі мен тартылған мемлекеттік органдар жүргізіп жатыр»,—деді ол Экономикалық ресурстардың заңсыз шоғырлануына қарсы күрес жөніндегі ведомствоаралық комиссияның отырысында.
