Дженнифер Лопестің Астанадағы концертінің билет құны белгілі болды, деп хабарлайды "Адырна" ұлттық порталы stan.kz-ке сілтеме жасап.
Америкалық супержұлдыз Дженнифер Лопес өзінің Up All Night әлемдік туры аясында 1 тамызда Астанада өнер көрсетеді. Бұл концерт көптеген қазақстандықтардың және шетелдік туристердің көңілінен шығады деп күтілуде.
Astana Concert компаниясының продюсері Мәлік Хасенов концерт билеттерінің бағасы туралы мәлімдеме жасады. Оның айтуынша, билет бағасы 40 мыңнан 150 мың теңгеге дейін болады. Ең қымбат билет бағасы – 150 мың теңге, ал орташа есеппен концертке билет 80 мың теңге тұрады.
Мәлік Хасенов үкімет отырысында Дженнифер Лопес концертіне 15 мың турист келіп, бұл қазынаға 400 миллион теңгеден аса салық түсіруі мүмкін екенін де атап өтті.
