30 желтоқсан күні қаңтар айындағы ҰБТ-ға өтініш беру мерзімі аяқталды, деп хабарлайды "Адырна" қлттық порталы Ғылым және жоғары білім министрлігіне сілтеме жасап.
Биыл өтініш берушілердің саны 167 мыңға жеткен. Бұл өткен жылмен салыстырғанда 31 мыңға артық.
ҰБТ 13 қаңтар мен 10 ақпан аралығында өтеді.
Министрлік осы уақыт аралығында калькулятор, Менделеев кестесі және тұздардың ерігіштігі кестесі қолжетімді болатынын атап өтті. Ал аппеляцияға өтініш беру тестілеу аяқталғаннан кейін 30 минут ішінде қолжетімді болады.
ҰБТ-да пәндер саны өзгеріссіз. 3 міндетті пән және 2 таңдау пән. Сұрақтар саны – 120.
