Туған күнінде. "ҚазАвтоЖол" басшысының ұсталғаны хабарланды

718
Adyrna.kz Telegram
Фото: әлеуметтік желі
Фото: әлеуметтік желі

«ҚазАвтоЖол» ҰҚ» АҚ-ның экс-басқарма төрағасы Асқар Мұратұлы ақша жымқыру фактісі бойынша ұсталды. Бұл жайлы бүгін Қаржы мониторингі агенттігінің баспасөз қызметі жариялады, деп хабарлайды “Адырна” ұлттық порталы.

«Астана қаласы бойынша Экономикалық тергеп-тексеру департаментімен Бас көлік прокуратурасының жұмыс үйлестіруімен бір көзден алу жолымен бюджеттік қаражатты аса ірі мөлшерде жымқыру күдігімен «ҚазАвтоЖол» ҰҚ» АҚ-ның экс-басқарма төрағасы А.Мұратұлы ұсталды»,- делінген хабарламада.

Агенттіктің хабарлауынша сотпен күдіктіге қатысты 2 ай мерзімге «күзетпен ұстау» түріндегі бұлтартпау шарасы санкцияланған.

Айта кетейік, Асқар Мұратұлы 2021 жылдың сәуірінде Қазақстан Республикасы индустрия және инфрақұрылымдық даму министрінің бұйрығымен «ҚазАвтоЖол» ҰК» АҚ Басқарма Төрағасы болып тағайындалған.

Асқар Мұратұлы 1976 жылы 4 сәуірде туған.

Пікірлер