Қазақстандықтардың ішінде жеке тұлғалардың меншігінде – 490, ал заңды тұлғалардың меншігінде 176 яхта тіркелген. Бұл туралы Ұлттық экономика министрлігі жария етті, деп хабарлайды “Адырна” ұлттық порталы.
Яхталар мен жеке ұшақтар шектеулі адамдар тобында ғана бар. Жеке тұлғалардың меншігінде – 490, ал заңды тұлғалардың меншігінде 176 яхта, жеке тұлғалардың меншігінде 248 ұшақ, заңды тұлғалардың меншігінде 665 ұшақ бар, - делінген ведомство ақпаратында.
Осыған байланысты құжатта: «Халықтың бай топтары халықаралық тәжірибеге сәйкес бағалы тауарларға көбірек салық төлеуі керек» деп жазылған. Атап айтқанда, бұл мәселенің шешімі ретінде сән-салтанат салығын енгізу ұсынылып отыр.
