Ақтөбеде мас жүргізушінің кінәсінен жол-көлік оқиғасы орын алып, салдарынан Атыраулық азамат қаза тапты, - деп хабарлайды “Адырна” тілшісі Диапазон-ға сілтеме жасап.
Оқиға Ақтөбе қаласының Сәңкібай батыр даңғылында болған. Nissan XTrail көлігінің 34 жастағы жүргізушісі солға бұрылу кезінде қарсы келе жатқан көлікке жол бермей, жол белгілері мен қоршауларға соғылған.
Nissan XTrail көлігінің жүргізушісі жарақатпен ауруханаға түсті. Ал оның жақын досы оқиға орнында қайтыс болды. Зерттеуге сәйкес, Nissan жүргізушісі көлік тізгініне отырмас бұрын досымен сыра ішкен. Мас жүргізуші өз досын әуежайға алып бара жатқанда жол апатына ұшыраған.
Сот жол-көлік оқиғаға кінәлі азаматты 3 жылға бас бостандығынан және 10 жылға жүргізуші куәлігінен айырды.
