Бірнеше күн қатарынан іздеуде болған Ақмола облысында Зеренді аудандық полиция бөлімі бастығының орынбасары өлі күйде табылғаны хабарланды. Облыстық полиция департаментінің ақпаратына жүгінген жергілікті БАҚ-тың хабарлауынша, марқұмның денесі 25 маусым күні, таңертең, Қылшықты өзені аумағындағы шұңқырдан табылған, деп хабарлайды "Адырна" ұлттық порталы.
Демалыста болған Дүйсембиннің жоғалғаны туралы ақпарат 23 маусымда түскен. Полиция қызметкері үйінен 20 маусымда кеткен. Іздеу-құтқару операциясы бір тәулікке созылған.
Ресми ақпаратқа қарағанда, марқұмның денесінде күш қолдану белгілері болмағаны анықталды. Сараптама тағайындалғаны хабарланды.
"Адырна" ұлттық порталы
