Көкшетау ауруханасында қайтыс болған үш адам полиция абақтысында улануы мүмкін

2798
Adyrna.kz Telegram

Көкшетау қаласы полициясының күдіктілерді ұстау мекемесінде алты адам астан уланып, ауруханаға түсті. Олардың үшеуі қайтыс болды.

Жергілікті Kokshetau.asia сайтының 2 маусымда хабарлауынша, полицияның күдіктілерді ұстау мекемесінде отырған алты адам ауруханаға түскен.

Ақмола облысы полициясының хабарлауынша, 28 мамырға қараған түні Көкшетау қаласының алты тұрғыны ауруханаға түсті. Әкімшілік іспен ұсталған бұл алтауы бір камерада отырған. Бесеуі жол ережесін бұзғаны үшін қамалса, бір адам бұзақылық жасады деген айыппен ұсталған.

"Үш адам қаза тапты, үшеуі емделіп жатыр. Сот-медициналық сараптама нәтижесін күтіп отырмыз", - деді облыстық полиция өкілі Азаттық радиосына.

Жансақтау бөлімінде жатқан екі адамның жағдайы ауыр екені хабарланған.

centralasian.org

Пікірлер