Солтүстік Корея АҚШ-пен әскери қақтығысқа дайын. Бұл туралы елдің көшбасшысы Ким Чен Ын айтты, деп хабарлайды «Адырна» тілшісі.
«Мен КХДР Америка Құрама Штаттарымен кез келген әскери қақтығысқа толық дайын екенін тағы бір рет атап өтемін», - деді ол.
Айтуынша, Пхеньян қажет болған жағдайда ядролық тежеу құралын жұмылдырмақ.
«Егер Америка Құрама Штаттары мемлекетіміздің іргелі мүдделерін өрескел бұзып, оның қауіпсіздігіне қол сұғуды жалғастыра берсе, бұл тек үлкен дағдарысқа әкеледі»,– деп сөзін толықтырды Ким Чен Ын.
