АҚШ-тың Канзас штатында жүк пойызы апатқа ұшырады, деп хабарлайды «Адырна» тілшісі.
Жергілікті құқық қорғау органдарының айтуынша, 19 маусымда Лоуренс қаласының маңында 30 жүк вагоны рельстен шығып, аударылып кеткен. Вагондарға көмір тиелген. Зардап шеккендер жоқ.
Қазіргі таңда оқиға орнында төтенше жағдайлар қызметі жұмыс істеп жатыр. Сондай-ақ америкалық Union Pacific теміржол компаниясы апат салдарын жою үшін оқиға орнына арнайы топтарды жіберді.
