2024 жылдың 20 желтоқсанында Париждің Кассациялық соты Францияның бұрынғы президенті Николя Саркози мен оның адвокаты соттың жоғары судьясымен «коррупциялық келісім» жасағаны үшін кінәлі деп танылды, деп хабарлайды "Адырна" ұлттық порталы.
Францияның бұрынғы президенті Николя Саркози, адвокат Тьерри Эрцог келісім арқылы сот үдерісіне әсер ету мақсатында Азиберден ақпарат алуды көздегені мәлімдеді.
Саркози Азиберге Монакодағы лауазымды қызметті ұсыну арқылы оның көмегін сұраған.
Саркози мен Эрцогқа қатысты іс 2014 жылы басталған, ал 2024 жылдың желтоқсанында Кассациялық сот олардың кінәсін мойындады және үш жылдық жаза тағайындады. Саркозиге бір жыл нақты түрме жазасы мен екі жыл шартты жаза, электронды білезік тағу жазасы берілді.
Сонымен қатар, оған үш жыл бойы қоғамдық қызметпен айналысуға тыйым салынды. Бұрынғы президент осы үкімге қарсы Еуропалық сотқа шағымдануға ниетті екенін мәлімдеді.
Бұрынғы президент пен оның қорғаушысы заңсыз тыңдаулар туралы алаңдаушылық білдіріп, адвокаттың клиентімен сөйлескен телефон әңгімелерінің заңсыз пайдаланылуына наразылық білдіріп отыр. Адвокат Патрис Спинози, осы негізде Саркозидің кінәсіз екендігін алға тартады.
Бұл іс Саркози мен Францияның саясатындағы маңызды оқиға болып табылады, себебі ол бірінші рет Франция тарихында түрмеге қамалған президент болды. Бұған дейін 2011 жылы Францияның экс-президенті Жак Ширак екі жыл шартты жазаға тартылған болатын.
Сонымен қатар, 2024 жылдың 6 қаңтарында Саркозиге қатысты Ливиядан 2007 жылғы президенттік кампаниясына қаржы алу күдігімен жаңа сот процестері басталмақ.
