Белгісіз ер адам Наурызбай ауданындағы тұрғын үй кешеніне баса-көктеп кіріп, екі адамға оқ атқан, деп хабарлайды "Адырна" ұлттық порталы ҚазТАГ агенттігіне сілтеме жасап.
«Бұл факті бойынша Наурызбай ауданының полиция басқармасы қылмыстық іс қозғады», — деп хабарлады Алматы қалалық полиция департаментінің баспасөз қызметі.
Әлеуметтік желілерде осы тұрғын үй кешенінің ауласында бірнеше жедел жәрдем және полиция көліктері пайда болғаны туралы хабарламалар тарады. Сипаттамаға сәйкес, белгісіз адам тұрғын үй кешенінің аумағына электрик ретінде кірген. Содан кейін бірінші қабаттағы электр жарығын өшіріп, пәтерге кіріп, екі тұрғынға оқ атқан. Олар тірі қалғанымен, біреуі жансақтау бөліміне түскен. Полиция қаза тапқандар туралы мәлімет берген жоқ.
Ер адам оқиға орнынан қашып кеткен. Полиция оны іздестіріп жатыр.
