ۆ. گاۆريلەنكو كەپىلگەرلەردەن كەشىرىم سۇراپ، وقۋ اقىسى بويىنشا قارىزىن ءوز ەركىمەن تولەۋگە مىندەتتەندى. بۇل تۋرالى «حالىقارالىق باعدارلامالار ورتالىعى» اق ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
بۇرىنعى ستيپەنديات ۆ.گاۆريلەنكو جانە كەپىلگەرلەر م.داريباەۆا مەن ن.ۆوروبەۆامەن رەزونانستىق جاعداي زاڭ اياسىندا شەشىلدى. مەدياتسيا قورىتىندىسى بويىنشا ۆ.گاۆريلەنكو وقۋ بەرەشەگىنىڭ تولىق سوماسىن ءوز ەركىمەن وتەۋگە مىندەتتەندى.
شارتتى قامتاماسىز ەتۋ ءۇشىن بەرىلگەن كەپىل مۇلكى شىعىنداردىڭ قاجەتتى سوماسىن جابادى، سوندىقتان كەپىلگەرلەر مەن ورتالىق اراسىندا كەلىسىمشارت بۇزىلدى.
ەستەرىڭىزگە سالا كەتەيىك، 2024 جىلدىڭ قاڭتارىندا ورتالىق انىقتالعان بۇزۋشىلىقتاردىڭ ماتەريالدارىن قۇقىق قورعاۋ ورگاندارىنا جولداعان بولاتىن. قر سىبايلاس جەمقورلىققا قارسى ءىس-قيمىل اگەنتتىگى ورتالىقتىڭ بۇرىنعى لاۋازىمدى تۇلعالارىنا قاتىستى سوتقا دەيىنگى تەرگەۋ امالدارىن جۇرگىزۋدە.
ۆالەريا گاۆريلەنكو كەپىلگەرلەردەن كەشىرىم سۇرادى جانە ورتالىق بەلگىلەگەن تارتىپتە قارىزدى وتەپ جاتىر.
حالىقارالىق باعدارلامالار ورتالىعى شارتتىق مىندەتتەمەلەردى ورىنداۋدان اۋىتقىعان جانە ستيپەنديادان ايىرىلعان تۇلعالاردان مەملەكەتتىك بيۋدجەتكە قاراجاتتى قايتارۋ جونىندەگى جۇمىستى جالعاستىرۋدا.
