تالدىقورعان قالاسىنداعى نازارباەۆ زياتكەرلىك مەكتەبىنىڭ جاس روبوتوتەحنيكتەرى «عىلىم الەمىن اشامىز» اتتى عارىشتىق زەرتتەۋلەر بويىنشا حالىقارالىق عىلىمي كونكۋرسىنىڭ جەڭىمپازى اتاندى.
كونكۋرس عىلىم قىزمەتكەرلەرى مەن عارىشكەرلەر كۇنى قارساڭىندا استانا قالاسىندا ءوتتى.
116 عىلىمي جوبا ۇسىنىلدى، ونىڭ ىشىندە 47 كوماندالىق جانە 69 جەكە جۇمىس، قازاقستاننىڭ بارلىق وبلىستارىنان كەلگەن 161 جاس زەرتتەۋشى قاتىستى.
11 سىنىپ وقۋشىلارى ەدىگە بولاتبەكۇلى مەن قاسىم ءالي ساماتۇلى «كۇن جۇيەسى» سەكتسياسىندا «اي مەن مارستاعى ۇڭگىرلەردى زەرتتەۋگە ارنالعان روبوت» جوباسىن ۇسىندى.
ءبىزدىڭ جوبا ۇڭگىرلەردى زەرتتەۋگە ارنالعان. ونىڭ ۇڭگىرگە جەتۋ ءۇشىن قونۋ، جىلجىمالى پلاتفورماسى بار. سونداي — اق نەگىزگى روبوتقا ءبىز ءارتۇرلى پارامەترلەردى ولشەۋگە ارنالعان داتچيكتەر كەشەنى بار ءموبيلدى روبوت جاسادىق، - دەدى بايقاۋ جەڭىمپازدارى.
