Бүгін, 20 желтоқсанда мемлекет басшысы Қасым-Жомарт Тоқаев Қазақстан гимнастика федерациясының президенті Әлия Юсупованы қабылдады. Бұл туралы Ақорда жазды, деп хабарлайды «Адырна» тілшісі.
Президент Әлия Юсупованы Қазақстан гимнастика федерациясының президенті болып қайта сайлануымен құттықтады.
Кездесуде елімізде көркем гимнастиканы дамыту перспективасы талқыланды. Қасым-Жомарт Тоқаевқа федерацияның қазіргі жұмысы мен алдағы жоспары туралы ақпарат берілді.
Әлия Юсупова спорт саласындағы кейбір өзекті проблемаларға қатысты бірқатар ұсынысын жеткізді. Федерация басшысының айтуынша, балаларды гимнастикаға ерте жастан баулу үшін кешенді жұмыс атқарылуы керек.
Қасым-Жомарт Тоқаев сала инфрақұрылымын дамыту және жаттықтырушыларды даярлау ісінде Туризм және спорт министрлігімен тығыз қарым-қатынас орнату қажет екенін айтты.
