7 қарашада АҚШ-тың жаңа сайланған президенті Дональд Трамп Ресей басшысы Владимир Путинмен телефон арқылы сөйлесті. Бұл туралы The Washington Post (WP) басылымы жазды, деп хабарлайды «Адырна» тілшісі.
Шетелдік БАҚ-тың мәліметінше, екі ел президенті Украинадағы соғысты талқылаған.
«Трамп Путинді Украинадағы шиеленістен аулақ болуға шақырды. Сондай-ақ олар Еуропа құрлығында бейбітшілікке қол жеткізу қажеттілігін талқылады»,—делінген хабарламада.
WP қоңыраудың бейресми болғанын атап өтті. Одан бөлек, басылым Киевтің Трамп пен Путиннің сөйлескенінен хабардар болғанын жазды. Алайда бұл ақпаратты Украина сыртқы істер министрлігі жоққа шығарды.
«Украина тарапына қоңырау туралы алдын-ала хабарланған жоқ. Украина қоңырауды мақұлдай алмады немесе қарсы бола алмады», – деді министрліктің ресми өкілі Георгий Тихий.
