2025 jylǵy 11 qańtarda Jańa Zelandııanyń Vellıngton qalasynda ótken Halyqaralyq dástúrli mýzyka jáne bı keńesiniń (ICTMD) 47-shi Álemdik konferenııasynyń Bas Assambleıa otyrysynda uıymnyń basshylyǵy men Atqarýshy keńesiniń quramy saılandy.
Konferenııaǵa 70 elden kelgen qatysýshylardyń erekshe nazaryn uıymnyń Atqarýshy keńesiniń basshylyq qurylymyna «ICTMD elshisi» degen jańa mártebeni engizý týraly tarıhı sheshimi aýdartty.
Bul qurmetti mártebe Keńestiń maqsattaryn ilgeriletýge eleýli úles qosqan, mádenı murany saqtaý jáne nasıhattaý jolynda eńbek etip, ICTMD-tiń halyqaralyq arenada damýyna bolashaǵy zor josparlar usynǵan belgili mádenıet jáne óner qaıratkerlerine beriledi.
ICTMD prezıdenti Svenıbor Pettan (Slovenııa) kandıdattardy tanystyra otyryp: «Dúısen Qaseıinovtyń basshylyǵymen TÚRKSOI ICTMD-tiń strategııalyq seriktesine aınalyp, birqatar mańyzdy sharalardy ótkizýge qoldaý kórsetti.
"Túrki halyqtarynyń mádenı murasyn saqtaý jáne ony álemdik mádenı keńistikte nasıhattaý boıynsha halyqaralyq mádenı yntymaqtastyqty damytýǵa baǵyttalǵan Dúısen Qaseıinovtyń kópjyldyq jan-jaqty qyzmeti ICTMD maqsattary men mıssııalaryn ilgeriletýge eleýli úles qosty", – dep atap ótti.
Dúısen Qaseıinovtyń kandıdatýrasy Atqarýshy keńes pen konferenııa qatysýshylarynyń biraýyzdan qoldaýyna ıe boldy. Onyń ICTMD elshisi laýazymyna saılanýy Qazaqstannyń jáne TÚRKSOI-ǵa múshe ózge de elderdiń mádenıet jáne óner salasyndaǵy halyqaralyq yntymaqtastyqty damytýdaǵy mańyzdy rólin aıqyndaıdy.
