Jambyl oblysy kámeletke tolmaǵandardyń isteri jónindegi mamandandyrylǵan aýdanaralyq soty 14 qańtarda buzaqylyq jáne aldyn ala sóz baılasý arqyly top bolyp, densaýlyqqa qasaqana aýyr zııan keltirip, adamnyń óltirgen úsh kámeletke tolmaǵan jasóspirimge qatysty isti qarady, dep habarlaıdy "Adyrna" ulttyq portaly.
Sottyń derekterine súıensek, Baızaq aýdany Qumjota aýylynyń jasóspirimderi mektep dárethanasynda aldyn ala sóz baılasyp, 8-synyp oqýshylarynan ózderine baǵynýdy talap etip, qorqytyp, uryp-soqqan. Oqıǵa barysynda oqýshylardyń biri keýde tusynan soqqy alyp, sol jerde kóz jumǵan.
Sot eki oqýshyny 6 jyl 8 aıǵa bas bostandyǵynan aıyrý týraly, bir oqýshyny 1 jylǵy bas bostandyǵynan shekteý jazasyn taǵaıyndady.
Sottalǵandardan proessýaldyq shyǵyndar, moraldyq shyǵyn retinde 6 mln jáne 5 mln teńge kóleminde ótemaqy jáne jábirlenýshiler qoryna tólemder óndirildi.
Úkim áli zańdy kúshine engen joq.
