Almaty halyqaralyq áýejaıynda FlyArystan áýekompanııasynyń qyzmetkerine jolaýshy shabýyl jasady, dep habarlaıdy "Adyrna" ulttyq portaly.
Áýeakompanııanyń málimetinshe, oqıǵa Almaty halyqaralyq áýejaıynda bolǵan.
«Jolaýshy tirkeý ústeline ushýǵa 30 mınýt qalǵanda kelip, reıske tirkelgenin rastaǵannan keıin qaýipsizdik tekserýine ótý úshin baǵyt alǵan. Alaıda ol úlgermegen. Osydan keıin jolaýshy qaıtadan tirkeý aımaǵyna kelip, tekserýge jibergen qyzmetkerge ashýyn kórsetken. Oqıǵa barysynda ol qyzmetkerdiń telefonyn laqtyryp, oǵan judyryqpen soqqylar jasaǵan. Bul agressııa beınebaqylaý kameralarymen jáne kýágerlermen rastaldy», – delingen FlyArystan-nyń Telegram arnasynda jarııalanǵan habarlamada.
Áýekompanııa ushaqqa otyrý reıs ushqanǵa 30 mınýt qalǵanda bastalatynyn eske saldy.
«Destrýktıvti minez-qulyq tanytqan jolaýshy qazirgi zańnamalarǵa sáıkes jaýapqa tartylady. Avıakompanııa sondaı-aq qaýipsizdik saıasaty aıasynda tıisti sharalar qoldaný quqyǵyn saqtaıdy, sonyń ishinde ony «qara tizimge» engizý múmkindigin qarastyrady», – dep habarlady kompanııa.
