Táýelsizdik merekesi qarsańynda Bórli aýdanynyń Qarashyǵanaq jáne Ýspen aýyldarynyń turǵyndary ortalyq sýmen jabdyqtaý júıelerin rekonstrýkııalaýdyń arqasynda sapaly aýyz sýmen qamtamasyz etildi. Jumystar 6 aıǵa sozyldy.
Ýspen aýylynda búginde 300 adam turady. aýylynyń turǵyndary ortalyqtandyrylǵan sý qubyryn kópten kútti. Sý qubyry tartylǵanǵa deıin turǵyndar aýyz sýdy aýyl kósheleriniń boıynda ornatylǵan sý baǵandarynan tasıtyn. «Aýyl el besigi» baǵdarlamasy aıasynda júzege asyrylǵan qaıta qurý jobasyna barlyq aýlalardy ortalyqtandyrylǵan sý qubyryna mindetti túrde qosý tarmaǵy engizilip, turǵyndar taza sýǵa qol jetkizdi. Salynǵan jelilerdiń jalpy uzyndyǵy 10,2 shaqyrym, jańa munara men rezervýarlar ornatyldy. Qaıta qurý jumystaryn júrgizgen merdiger «Qaldaǵaıty» JShS boldy. Shart boıynsha jobanyń quny 567,1 mln teńgeni qurady.
Qarashyǵanaq aýyly Podstepnoe-Terekti-RF shekarasy tas jolynyń janynda ornalasqan. Munda 163 adam turady. Aýylda eshqashan ortalyq sýmen jabdyqtaý júıesi bolmaǵan, turǵyndar aýladaǵy qudyqtaryn paıdalanyp keldi. Mereke qarsańynda ár aýlaǵa ortalyqtandyrylǵan sý qubyry jelilerine qosyldy. Jalpy uzyndyǵy 6,3 shaqyrymdy quraıtyn joba oblystyq jáne aýdandyq bıýdjetterden qarjylandyrylyp, «AıTemir-Qurylys» JShS júzege asyrdy, quny - 329,5 mln teńge.
Eki jobanyń iske asyrylýyn avtorlyq qadaǵalaýdy «Stroyconsalting» JShS, tehnıkalyq qadaǵalaýdy – «Aqtaýstroıekspert» JShS júzege asyrdy.
Nysandardy tapsyrý rásimine Bórli aýdany ákiminiń mindetin atqarýshy Muhtar Nurmaqov, oblystyq máslıhat depýtattary Anýar Agaev, Jastalap Kýrmankýlov, aýdandyq máslıhat tóraǵasy Qaırat Ermekbaev jáne aýyl turǵyndary qatysty.
