Jetisý oblysynda polıeı qyzmetkeri 24 mln teńge turatyn aıǵaq zattardy urlaǵany úshin sottaldy, dep habarlaıdy "Adyrna" ulttyq portaly.
Bul týraly Jetisý oblysynyń prokýratýrasy málimdedi.
2017 jyldyń naýryz aıynda Tekeli qalasynyń ýchaskelik ınspektory sybaılastarymen birge 24 mln teńge somasyndaǵy urlyq isi boıynsha aıǵaq zattardy urlap ketken. Osydan keıin ol qylmystyq jaýapkershilikten jaltaryp, jeti jyl boıy halyqaralyq izdeýde boldy. Onyń sybaılastary buǵan deıin ártúrli merzimderge bas bostandyǵynan aıyrylǵan.
Sot ınspektordy QK-niń 362-baby boıynsha — bılikti nemese laýazymdyq ókilettikterdi asyra paıdalaný boıynsha kináli dep tanyp, 5 jyl 6 aı merzimge bas bostandyǵynan aıyrdy.
Úkim zańdy kúshine endi.
