Prezıdent Sadyr Japarovtyń jarlyǵymen Qyrǵyzstan úkimetiniń tóraǵasy qyzmetine Adylbek Qasymalıev taǵaıyndaldy, dep habarlaıdy "Adyrna" ulttyq portaly 24.kg aqparat agenttigine silteme jasap.
Adylbek Qasymalıev 1960 jyly 1 jeltoqsanda Ystyqkól oblysynyń Túp aýdanynda dúnıege kelgen. Ol Lenıngrad qarjy-ekonomıkalyq ınstıtýtyn "ekonomıst" mamandyǵy boıynsha támamdaǵan. 2015-2018 jyldary Qyrǵyzstannyń qarjy mınıstri qyzmetin atqarǵan. 2021-2022 jyldary prezıdent ákimshiligi basshysynyń orynbasary boldy. 2022 jyly úkimet basshysynyń birinshi orynbasary mindetin atqarýshy bolyp taǵaıyndaldy.
18 jeltoqsanda Jogorký Keńesh otyrysynda prezıdent Sadyr Japarov burynǵy premer-mınıstrdiń otstavkasyna qatysty túsinikteme berdi. Ol muny Salyq qyzmetiniń basshylyǵy men qyzmetkerlerine qatysty tergeý isimen baılanystyrdy.
«Bizdi salyq júıesindegi jaǵymsyz qubylystar qatty alańdatty. Akızdik markalarǵa qatysty alaıaqtyq áreketter belgili boldy. Bul salany Aqylbek Japarov basqaryp kelgen, jáne ol zańsyz áreketterdi toqtata alar edi. Men ony tergeý aıasynda múddeler qaqtyǵysyn boldyrmaý úshin qyzmetinen bosatýǵa májbúr boldym», – dedi prezıdent.
Eske sala keteıik, 16 jeltoqsan kúni Qyrǵyzstan mınıstrler kabınetiniń tóraǵasy Aqylbek Japarov qyzmetinen ketkenin jazǵan edik.
