Qazaqstan musylmandary dinı basqarmasy turmysqa shyqqan qyzǵa beriletin qalyń mal men máhirdi biriktirdi. Bul týraly múftııattyń baspasóz hatshysy Aǵabek Qonarbaıuly aıtty, dep habarlaıdy «Adyrna» tilshisi.
«Qazaq dástúrinde qalyńmal – qalyńdyq úshin beriletin mal-dúnıe. Eger eki jas ajyrasqan jaǵdaıda qalyńdyq maly qyzdyń ıeliginde qalatyn bolǵan. Osy turǵydan qalyńmaldy máhir dep sanaýǵa bolady», — dep jazdy ol.
Resmı ókil «áke eńbegi», «ana súti» jáne taǵy da basqa qyzdyń áke-sheshesine, týystaryna beriletin mal-múliktiń máhrge sanalmaıtynyn málimdedi.
QMDB baspasóz qyzmeti osy máselege qatysty múftııat sheshimin jarııa etti.
«Sheshim: Kúıeýi tarapynan beriletin qalyńmaldy qyzdyń razylyǵymen máhirge jatqyzýǵa jáne artynan alyp baratyn jasaýyna paıdalanýǵa bolady. «Áke eńbegi», «ana súti» sekildi qyzdyń áke-sheshesine, týystaryna beriletin mal-múlik (kádesyı, t.b.) máhirge jatpaıdy»,—delingen habarlamada.
