قازاقستان مۇسىلماندارى ءدىني باسقارماسى تۇرمىسقا شىققان قىزعا بەرىلەتىن قالىڭ مال مەن ءماھىردى بىرىكتىردى. بۇل تۋرالى ءمۇفتياتتىڭ ءباسپاسوز حاتشىسى اعابەك قوناربايۇلى ايتتى، دەپ حابارلايدى «ادىرنا» ءتىلشىسى.
«قازاق داستۇرىندە قالىڭمال – قالىڭدىق ءۇشىن بەرىلەتىن مال-دۇنيە. ەگەر ەكى جاس اجىراسقان جاعدايدا قالىڭدىق مالى قىزدىڭ يەلىگىندە قالاتىن بولعان. وسى تۇرعىدان قالىڭمالدى ءماھىر دەپ ساناۋعا بولادى»، — دەپ جازدى ول.
رەسمي وكىل «اكە ەڭبەگى»، «انا ءسۇتى» جانە تاعى دا باسقا قىزدىڭ اكە-شەشەسىنە، تۋىستارىنا بەرىلەتىن مال-مۇلىكتىڭ ماھرگە سانالمايتىنىن مالىمدەدى.
قمدب ءباسپاسوز قىزمەتى وسى ماسەلەگە قاتىستى ءمۇفتيات شەشىمىن جاريا ەتتى.
«شەشىم: كۇيەۋى تاراپىنان بەرىلەتىن قالىڭمالدى قىزدىڭ رازىلىعىمەن ماھىرگە جاتقىزۋعا جانە ارتىنان الىپ باراتىن جاساۋىنا پايدالانۋعا بولادى. «اكە ەڭبەگى»، «انا ءسۇتى» سەكىلدى قىزدىڭ اكە-شەشەسىنە، تۋىستارىنا بەرىلەتىن مال-مۇلىك (كادەسىي، ت.ب.) ماھىرگە جاتپايدى»،—دەلىنگەن حابارلامادا.
