«Qazatomónerkásip» ulttyq atom kompanııasy Býdenovskoe ken ornynyń «Soltústik» ýchaskesinde 6 jyl ýran barlaý quqyǵyn aldy. Kompanııa jer qoınaýyn paıdalaný quqyǵyn taǵy 5 jylǵa uzarta alady. Bul týraly búgin, 18 qarashada ulttyq operatordyń baspasóz qyzmeti jazdy, dep habarlaıdy «Adyrna» tilshisi.
«Soltústik» ýchaskesi ýrannyń iri ken shoǵyrynyń bolýyna baılanysty aıtarlyqtaı áleýetke ıe. Onyń qolaıly geologııalyq jaǵdaılary jáne jumys istep turǵan ken oryndaryna jaqyndyǵy tabysty jáne uzaq ýaqyt ıgerý úshin biregeı múmkindikter týǵyzady. Bul joba Qazaqstannyń ýran óndirý salasyn damytýdaǵy mańyzdy kezeń bolatynyna jáne bizdiń kompanııanyń uzaq merzimdi qundylyǵyn qurýǵa eleýli úles qosatynyna senimdimiz», - dep atap ótti basqarma tóraǵasy Meıirjan Iýsýpov.
Aldyn ala baǵalaý boıynsha R1 jáne R2 sanattary boıynsha ýchaskedegi ýran resýrsy 100 myń tonnadan asady. Bolashaqta resýrstardy naqtylaý jáne olardy joǵary sanattarǵa (S1 jáne S2) aýystyrý josparlanǵan. Bul ýchaskeniń áleýetin barynsha tıimdi paıdalanýǵa jáne kompanııanyń uzaq merzimdi strategııalyq josparlaryn iske asyrýǵa múmkindik beredi.
Eske salaıyq, byltyr «Ortalyq Azııa elektr energetıkalyq korporaııasy» AQ burynǵy basshysy, belgili kásipker Erkin Ámirhanov «Býdenovskoe» kenishi kezinde qazaqstandyq olıgarh Aleksandr Klebanov pen onyń isker seriktesi, horvat-reseılik kásipker Vasılıı Anısımovqa tegin ótip ketkenin aıtqan edi.
