Memlekettik keńesshi Erlan Qarın «Qazaqstan» ulttyq arnasyna bergen suqbatynda Saıası qýǵyn-súrgin qurbandaryn tolyq aqtaý jónindegi memlekettik komıssııanyń jumysyna toqtaldy, dep habarlaıdy «Adyrna» tilshisi.
«Memlekettik komıssııa ótken jyldyń jeltoqsan aıynda óz jumysyn aıaqtady. Nátıjesinde 600 myń is qupııasyzdandyrylyp, Prezıdent arhıviniń janynan qurylǵan HH saıası repressııalardyń materıaldaryn zertteý ortalyǵyna tapsyryldy. Bir is kem degende 50-60 tomnan turatynyn atap ótý kerek. Biz bir ǵasyrda jınalǵan materıaldardy dál sol kólemde 3 jyl ishinde tapsyrdyq. Qazirgi tańda olardy zalalsyzdandyrý jumystary júrgizilip jatyr. Komıssııa jumysynyń nátıjesinde 300 myńǵa jýyq adam aqtaldy. Olar kezinde túrli sebeppen qýdalanǵan bolatyn. Esepteıtin bolsaq, jalpy sany 2 mıllıon bolatyn qujat jınaqtaldy»,—dedi ol.
Aıta keteıik, memlekettik komıssııa quramynda 425 ǵalym men zertteýshi, onyń ishinde 260-tan asa maman aımaqtyq komıssııada eńbek etti.
