Qazaqstanda avtomobıl jolaǵynyń eni ózgerýi múmkin. Bul týraly Kólik mınıstri Marat Qarabaev Almaty turǵyndarymen bolǵan kezdesýde málimdedi, dep habarlaıdy «Adyrna» tilshisi.
Aıtýynsha, halyq velojolaqtardyń kóp bolǵanyn qalaıdy.
«Alaıda mynadaı másele týyndaıdy Bizdiń usynysymyzǵa sáıkes joldyń eni 3.5 metr bolýy kerek. Halyqaralyq tájirıbe boıynsha jolaq enin 2.9 metrge deıin qysqartyp, qalǵan 0.6 metrdi velojolaqqa qaldyrý máselesi kóterildi. Iaǵnı, standartty ózgertý kerek. Qazir jumys júrip jatyr, biz halyqaralyq tájirıbeni zerdeledik, onyń tıimdi ekenine kózimiz jetti. Bul usynyspen kelisip, jaqynda memlekettik standartqa ózgeris engizemiz»,—dedi ol.
Mınıstr jolaqtardyń enin qysqartsa, jaqynda iske qosylatyn avtobýs jolaǵyna da, basqa kólikterge de oryn qalatynyn atap ótti.
«Bizdiń oıymyz júzege assa, qozǵalys retteletin bolady. Qazir Almatyda osy múmkindik pılottyq rejımde tekseristen ótip jatyr. Eksperıment jyl aıaǵynda bitedi. Nátıjege qarap, túbegeıli sheshim qabyldaımyz»,—dep túsindirdi Marat Qarabaev.
