Жаңа жыл мерекесі қарсаңында кезекте тұрған азаматтарға пәтер кілттері салтанатты түрде табысталды.
Баспаналы болғандардың қатарында аз қамтылған, толық емес отбасылар, жетім балалар және әлеуметтік осал топтағы басқа да азаматтар бар.
Қала әкімі Мұрат Бөрібаев баспана иелеріне пәтер кілттерін арнайы табыстап, тұрғындарды қоныс тойларымен құттықтады.
Қуанышты сәтті көптен күткен тұрғындар да ризашылықтарын білдірді. Баспаналы болған бақытты жанның бірі - Нұрсұлу Абильдинова. Үй кезегінде тұрғанына 14 жыл болыпты.
«Өте қуаныштымын. Жаңа жылды жаңа 3 бөлмелі пәтерде қарсы аламыз. Қуаныштымыз! Баспанамыздың іші жанға толсын! Барша қоныс той иелерін құттықтаймын!», деді пәтер иесі.
Бүгінде қаламызда үш тұрғын үйдің құрылысы жүргізілуде. Екі үйдің құрылысы жыл соңына дейін аяқталуы тиіс. Пәтерлер «Отбасы банк» АҚ арқылы жеңілдетілген пайыздық несиемен беріледі.
Қала бойынша 2066 адам пәтер кезегінде күтуде.
