Jańa jyl merekesi qarsańynda kezekte turǵan azamattarǵa páter kiltteri saltanatty túrde tabystaldy.
Baspanaly bolǵandardyń qatarynda az qamtylǵan, tolyq emes otbasylar, jetim balalar jáne áleýmettik osal toptaǵy basqa da azamattar bar.
Qala ákimi Murat Bóribaev baspana ıelerine páter kiltterin arnaıy tabystap, turǵyndardy qonys toılarymen quttyqtady.
Qýanyshty sátti kópten kútken turǵyndar da rızashylyqtaryn bildirdi. Baspanaly bolǵan baqytty jannyń biri - Nursulý Abıldınova. Úı kezeginde turǵanyna 14 jyl bolypty.
«Óte qýanyshtymyn. Jańa jyldy jańa 3 bólmeli páterde qarsy alamyz. Qýanyshtymyz! Baspanamyzdyń ishi janǵa tolsyn! Barsha qonys toı ıelerin quttyqtaımyn!», dedi páter ıesi.
Búginde qalamyzda úsh turǵyn úıdiń qurylysy júrgizilýde. Eki úıdiń qurylysy jyl sońyna deıin aıaqtalýy tıis. Páterler «Otbasy bank» AQ arqyly jeńildetilgen paıyzdyq nesıemen beriledi.
Qala boıynsha 2066 adam páter kezeginde kútýde.
