Ақтауда тегін таратылған құлаққаптарға таласқан жеткіншектер тапталып қалды, - деп хабарлайды “Адырна” ұлттық порталы.
Әлеуметтік желіде Ақтауда орын алған жасөспірімдердің “тегінге таласқан” дүрбелеңінен видео тарады.
Маңғыстау облысының полициясы ұялы байланыс компанияларының бірі құлаққаптарды тегін таратуды ұйымдастырғанын хабарлады.
«Осы іс-шараны құзырлы органдарға хабарламастан өткізген ұйымдастырушының жеке басы анықталып, бұл фактіге қатысты барлық қажетті құжаттар жинақталып, кінәлі әкімшілік жауапкершілікке тартылды», - деп хабарлады полиция.
