Qazaqstan Syrtqy ister mınıstrligi 29 jeltoqsan Ońtústik Koreıada qulaǵan Boeing 737 ushaǵyna qatysty málimdeme jasady, dep habarlaıdy "Adyrna" ulttyq portaly.
"Ońtústik Koreıa bıligi jarııalaǵan aldyn ala málimetterge sáıkes, ushaqtyń bortynda Qazaqstan azamattary bolmaǵan", – dedi SIM resmı ókili Aıbek Smadııarov.
Buǵan deıin ushaqta 181 adam bolǵany belgili boldy. Qutqarylǵan eki adamnyń ekeýi de ushaqtyń artqy jaǵynda otyrǵany habarlandy. Ońtústik Koreıanyń jergilikti bıligi 62 adamnyń qaza bolǵanyn resmı túrde rastady.
Jeju Air kompanııasyna tıesili Boeing 737 ushaǵy Bangkoktan ushyp, Seýlden ońtústik-batysqa qaraı 288 km qashyqtyqtaǵy Mýandaǵy áýejaıda qoný kezinde apatqa ushyrady. Shassı aqaýy sebebinen ushaq ushyp-qoný jolynan shyǵyp ketip, qorshaýǵa soǵylyp, órtendi.
