قازاقستان سىرتقى ىستەر مينيسترلىگى 29 جەلتوقسان وڭتۇستىك كورەيادا قۇلاعان Boeing 737 ۇشاعىنا قاتىستى مالىمدەمە جاسادى، دەپ حابارلايدى "ادىرنا" ۇلتتىق پورتالى.
"وڭتۇستىك كورەيا بيلىگى جاريالاعان الدىن الا مالىمەتتەرگە سايكەس، ۇشاقتىڭ بورتىندا قازاقستان ازاماتتارى بولماعان", – دەدى ءسىم رەسمي وكىلى ايبەك سمادياروۆ.
بۇعان دەيىن ۇشاقتا 181 ادام بولعانى بەلگىلى بولدى. قۇتقارىلعان ەكى ادامنىڭ ەكەۋى دە ۇشاقتىڭ ارتقى جاعىندا وتىرعانى حابارلاندى. وڭتۇستىك كورەيانىڭ جەرگىلىكتى بيلىگى 62 ادامنىڭ قازا بولعانىن رەسمي تۇردە راستادى.
Jeju Air كومپانياسىنا تيەسىلى Boeing 737 ۇشاعى بانگكوكتان ۇشىپ، سەۋلدەن وڭتۇستىك-باتىسقا قاراي 288 كم قاشىقتىقتاعى مۋانداعى اۋەجايدا قونۋ كەزىندە اپاتقا ۇشىرادى. شاسسي اقاۋى سەبەبىنەن ۇشاق ۇشىپ-قونۋ جولىنان شىعىپ كەتىپ، قورشاۋعا سوعىلىپ، ورتەندى.
