Men Muhtar Shahanovtyń óleńderimen tanysa bastaǵanda atamen kezdeskim keldi.
Biraq, kezdesýden buryn atanyń óleńderin oqyp, izdene bastadym. Shahanovtyń «Otyrar dastanyn» oqyǵan sátte boıyma erekshe rýh daryp, elime degen mahabbatym arta tústi. «Ózi týǵan ólkeniń aýasymen tynystaýdyń» mańyzyn uǵynyp, boıymdy patrıottyq sezim bılep aldy. Muhtar Shahanovpen kezdespes buryn men atanyń ómir jolyn oqyp, jan-jaqty izdene bastadym. Atanyń ákesi bóten, anasy bólek bolsa da taǵdyr qosqan qos baýyry – Tólegen Aıbergenov pen Shámshi Qaldaıaqov týraly qyzyqty derekterdi taptym. Jańa derekter taýyp, jańa óleńderimen tanysqan saıyn atamen kezdeser sátti taǵatsyzdana kúttim.
15- jeltoqsanda ózim oqıtyn №93 mektep-lıeıde Muhtar Shahanovpen kezdesý ótti. Atany alǵash kórgende óz kózime ózim senbeı, qýanyshtan tóbem kókke eki eli jetpeı qaldy. Mektep oqýshylary atanyń sózine jazylǵan ánderdi shyrqap, óleń oqydy. Atanyń kózindegi qýanyshty baıqap, mektebime degen maqtanysh sezimi meni de aınalyp ótpedi.
16- jeltoqsan – Táýelsizdik kúni. Bul kúndi osydan 33 jyl buryn el táýelsizdigi jolynda kúresip, qazaq jastaryn qorǵap qalǵan Muhtar Shahanovpen birge qarsy aldyq. Kezdesýdiń ekinshi kúninde jastarǵa rýh berý maqsatynda jazylǵan atamyzdyń «Jigerlendirý» atty óleńin oqyp berdim. Uly tulǵanyń aldynda óleń oqý baqyty buıyrǵanyna qýanyp, ári qobaljyp, keremet sezimdi bastan keshirdim. «Kóńil tolqyny» kúıiniń súıemeldeýimen jetekshim Erkejan Qaıratqyzy Tólegen Aıbergenovtyń Muhtar Shahanovqa arnap jazylǵan «Saǵynysh» jaıly óleńin oqydy. Kesh sońynda ata kitabyn syılap, batasyn berdi. Osylaısha osy 2 kún maǵan rýhanı serpilis syılady. Men qansha jasqa kelsem de, bul kezdesýdi umytpaımyn!
Ózi úmit kútken urpaǵynyń atynan Muhtar atama alǵys aıta otyryp, denine saýlyq tileımin!
Alpys Omar
№93 mektep-lıeıiniń
6 «A» synyp oqýshysy
