Qazaqstan ulttyq fýtbol quramasynyń bas bapkeri Stanıslav Cherchesovtyń daýly jaǵdaıy reseılik «Mıach Production» YouTube arnasy usynǵan 2024 jyldyń fýtboldaǵy eń sátsiz oqıǵalarynyń úzdik ondyǵynyń toǵyzynshy ornyna ıe boldy, dep habarlaıdy "Adyrna" ulttyq portaly Offside.kz-ke silteme jasap.
Esterińizge sala keteıik, Ulttar lıgasy aıasynda Slovenııamen ótken machtan keıingi baspasóz konferenııasynda jýrnalıst Stanıslav Cherchesovke qazaq tilinde suraq qoıǵan edi. Alaıda bas bapker «Sen qaı tilde sóılep tursyń – franýzsha ma?» dep ázildegen syńaı tanytty.
Bul pikir fýtbol sheńberinen asyp, úlken qoǵamdyq rezonans týǵyzdy. Oqıǵa áleýmettik jelilerde, BAQ-ta jáne tipti Qazaqstan Parlamentiniń Májilisinde qyzý talqylandy.
Qazaqstan Respýblıkasyna jumys isteýge kelgender qazaq tilin qurmetteý kerektigi aıtylyp, bapkerge aıyppul salyndy.
