20 jeltoqsanda Almaty qalasynyń Naýryzbaı aýdanynda bolǵan atys oqıǵasynyń mán-jaıy belgili boldy, dep habarlaıdy "Adyrna" ulttyq portaly almaty_press saıtyna silteme jasap.
Aqparatqa sáıkes, oqıǵa Nef Uptown turǵyn úı kesheninde oryn alǵan. Qylmysker turǵyn úı aýmaǵyna elektrık retinde kirip, páterlerdiń birine basyp kirgen. Ishinde bolǵan otbasylyq jupqa oq atqan. Zardap shekken erli-zaıyptylardyń jasy shamamen 40-ta. Oqıǵa kezinde balalar úıde bolmaǵan.
Erli-zaıyptylar aýyr jaraqat alǵan. Áıel adamnyń keýde tusy jaraqattanyp, qoly synǵan. Er adam aýyr jaǵdaıda bes saǵattyq operaııadan keıin ǵana esin jıǵan. Qazirgi ýaqytta ekeýi de aýrýhanada jatyr.
Tergeý nusqasy boıynsha qylmystyń maqsaty – urlyq. Qylmysker polıııa kelgenshe oqıǵa ornynan qashyp úlgergen. Bul rette elıtalyq turǵyn úı kesheniniń aýmaǵynda beınebaqylaý kameralary joq ekeni anyqtaldy. Buǵan deıin turǵyndar bul máselege baılanysty birneshe ret shaǵymdanǵan.
Almaty polıııasy qylmystyq is qozǵap, tergeý jumystaryn bastady.
"Qylmysty ashýǵa baǵyttalǵan jedel-izdestirý sharalary júrgizilip jatyr", – dep habarlady polıııa departamenti.
Buǵan deıin, belgisiz er adamnyń Naýryzbaı aýdanyndaǵy turǵyn úı keshenine basa-kóktep kirip, eki adamǵa oq atqany týraly jazǵan edik.
