Qyzylordada «Qorqyt Ata áýejaıynyń» jańa termınaly halyqaralyq talaptarǵa saı. Bul týraly Ortalyq kommýnıkaııalar qyzmetiniń brıfınginde Qyzylorda oblysynyń ákimi Nurlybek Nálibaev atap ótti.
Termınalǵa «Bolat Ótemuratov qory» áleýmettik jaýapkershilik sheńberinde 16 mlrd 600 mln teńge ınvestıııa saldy. Áýejaıdyń ınjenerlik-kommýnıkaııalyq ınfraqurylymyna, avtojol salýǵa, aýmaǵyn abattandyrýǵa, jaryqtandyrýǵa jergilikti bıýdjetten 4 mlrd. 300 mln teńgeden astam qarajat bólindi. Halyqaralyq talaptarǵa saı keletin jańa nysanda ishki jáne halyqaralyq reısterge, tranzıttik jolaýshylarǵa arnalǵan, CIP zaldary, júkti avtomatty túrde berý júıesi, «Duty Free» aımaǵy, saýda núkteleri, medpýnkt, kafe, ǵıbadat etý, júk saqtaý, ana men bala bólmeleri bar. Eki qabatty ǵımaratta saǵatyna 250 jolaýshyǵa 10 tólqujat baqylaý kabınasy arqyly qyzmet kórsetiledi.
Aıta keteıik, «Qorqyt Ata áýejaıy» sońǵy 9 aıda jolaýshylar men júk tasymalynda jaqsy nátıjelerge qol jetkizdi. Qańtar-qyrkúıek aılarynda áýejaıda 264 506 jolaýshyǵa qyzmet kórsetilip, ótken jyldyń sáıkes kezeńimen salystyrǵanda 20%-ǵa artqan. Sonymen qatar, osy ýaqyt aralyǵynda reıster sany 1420-ǵa jetken. Bul «Qorqyt Ata áýejaıy» kórsetkishteriniń turaqty ósimin jáne áýe tasymalynyń joǵary belsendiligin rastaıdy.
