Reseı bıligi GÝLAG tarıhyna arnalǵan mýzeıdi biraz ýaqytqa jabý týraly sheshim qabyldady, dep habarlaıdy "Adyrna" ulttyq portaly Golos Amerıkıǵa silteme jasap.
Bul mýzeı keńestik dáýirdegi repressııa qurbandaryna arnalyp ashylǵan. Mýzeıdiń resmı málimeti boıynsha, jabylý sebebi órt qaýipsizdigi erejeleriniń buzylýyna baılanysty. Alaıda bul qadam Kremldiń táýelsiz azamattyq qoǵamǵa jáne resmı tarıhqa kúmán keltiretinderge qarsy júrgizip otyrǵan belsendi naýqanynyń aıasynda oryn alyp otyr.
Mýzeıdiń vebsaıtynda «mamandardyń tekserýi kezinde órt qaýipsizdigi erejeleriniń buzylǵany anyqtaldy» degen málimdeme jarııalanǵan. Sondaı-aq, mýzeıdiń basqa da materıaldaryna qoljetimdilik shektelgen.
2001 jyly negizi qalanǵan mýzeı Máskeýdiń ortalyǵynda ornalasqan. Munda GÝLAG qurbandarynyń otbasylyq fotosýretteri men zattary jáne resmı memlekettik qujattar saqtalǵan. GÝLAG - keńes odaǵy kezinde qurylǵan eńbek lagerleri júıesi. Mıllıondaǵan adamdar, memleketke qarsy shyqqandar nemese «halyq jaýy» dep tanylǵandar osy lagerlerge jiberilgen edi.
