رەسەي بيلىگى گۋلاگ تاريحىنا ارنالعان مۋزەيدى ءبىراز ۋاقىتقا جابۋ تۋرالى شەشىم قابىلدادى، دەپ حابارلايدى "ادىرنا" ۇلتتىق پورتالى گولوس امەريكيعا سىلتەمە جاساپ.
بۇل مۋزەي كەڭەستىك داۋىردەگى رەپرەسسيا قۇرباندارىنا ارنالىپ اشىلعان. مۋزەيدىڭ رەسمي مالىمەتى بويىنشا، جابىلۋ سەبەبى ءورت قاۋىپسىزدىگى ەرەجەلەرىنىڭ بۇزىلۋىنا بايلانىستى. الايدا بۇل قادام كرەملدىڭ تاۋەلسىز ازاماتتىق قوعامعا جانە رەسمي تاريحقا كۇمان كەلتىرەتىندەرگە قارسى جۇرگىزىپ وتىرعان بەلسەندى ناۋقانىنىڭ اياسىندا ورىن الىپ وتىر.
مۋزەيدىڭ ۆەبسايتىندا «مامانداردىڭ تەكسەرۋى كەزىندە ءورت قاۋىپسىزدىگى ەرەجەلەرىنىڭ بۇزىلعانى انىقتالدى» دەگەن مالىمدەمە جاريالانعان. سونداي-اق، مۋزەيدىڭ باسقا دا ماتەريالدارىنا قولجەتىمدىلىك شەكتەلگەن.
2001 جىلى نەگىزى قالانعان مۋزەي ماسكەۋدىڭ ورتالىعىندا ورنالاسقان. مۇندا گۋلاگ قۇرباندارىنىڭ وتباسىلىق فوتوسۋرەتتەرى مەن زاتتارى جانە رەسمي مەملەكەتتىك قۇجاتتار ساقتالعان. گۋلاگ - كەڭەس وداعى كەزىندە قۇرىلعان ەڭبەك لاگەرلەرى جۇيەسى. ميلليونداعان ادامدار، مەملەكەتكە قارسى شىققاندار نەمەسە «حالىق جاۋى» دەپ تانىلعاندار وسى لاگەرلەرگە جىبەرىلگەن ەدى.
